صوبائی صدر پی پی پی محمد علی شاہ باچا کا پارٹی رہنما بیگم طہماس کی وفات پر اظہار افسوس
May 27, 2023
پشاور۔ 26 مئی : پاکستان پیپلز پارٹی خیبرپختونخوا کے صدر وزیر مملکت محمد علی شاہ باچا نے پارٹی رہنما بیگم طہماس کی وفات پر افسوس کا اظہار کیا ہے ۔ تعزیتی پیغام میں انہوں نے کہا کہ بیگم طہماس کی وفات سے پی پی پی خیبر پختونخوا ایک شفیق، محنتی اور دیرینہ کارکن سے محروم ہوگئی ہے۔انہوں نے کہا کہ وہ محترمہ شہید بینظیر بھٹو کی ہمیشہ وفادار رہی ہے۔ وزیر مملکت نے پی پی پی خواتین ونگ کی صوبائی جنرل سیکرٹری شازیہ طہماس سے ان کی والدہ کی وفات پر تعزیت کا اظہار کرتے ہوئے کہا کہ مرحومہ کی خدمات طویل عرصے تک یاد رکھی جائیں گی۔ پیپلز پارٹی شازیہ طہماس کے غم میں برابر کی شریک ہے۔ انہوں نے دعا کی کہ اللہ تعالیٰ مرحومہ کو جنت الفردوس میں اعلی مقام اور لواحقین کو صبر جمیل عطا فرمائے۔
