صدر مملکت نا شہید آتا خاہوت آتے فون، وطن کن خذمت و قربانی تیا شہید آتے خراج عقیدت پیش کرے

صدر مملکت ڈاکٹر عارف علوی شہید آتا وطن کن خذمت و قربانی تیا اوفتے شاندار لوز آتیٹی خراج عقیدت پیش کرسا پارینے کہ قوم شہید آتا قربانی تے است آن دپک و او مدام اوفتا منتوار مریرہ۔ چارشنبے نادے آ ایوان صدر نا پریس ونگ آن جاری بیان نا رداٹ صدر مملکت شہید آتا خاہوت آتون ٹیل فون آ ہڑزخواہی کرے و شہید آتے خراج عقیدت پیش کرے۔ صدر مملکت 18 مئی آ باجوڑ اٹی شہید مروک آ سپاہی شفیق الرحمان نا وارث آتون فون آ ہیت کرے۔ ڈاکٹر عارف علوی 24 مئی آ دتہ خیل اٹی شہید مروک آ سپاہی جواد خان و سعید اللہ نا خاہوت آتون ہم ہیت کرے۔ صدر مملکت شہید آتا وطن کن خذمت و قربانی تیا اوفتے خراج عقیدت پیش کرے۔ اوپارے کہ قوم شہید آتا قربانی تے است آن دپک و او مدام اوفتا منت وار مریرہ۔ صدر مملکت شہید آتا جوزہ حب الوطنی و فرض اتون لگن نا ہم ستاءِ کرے۔ اوشہید آتا درجہ غاتا بڑزی و خاہوت کن صبر وجمیل نا ہم دعاکرے