آرمی چیف جنرل عاصم منیر نال برطانوی آرمی دے چیف آف جنرل اسٹاف جنرل سر پیٹرک نکولس دی ملاقات ، علاقائی سلامتی دے معاملے اتے آپسی دلچسپی دے معاملیاں تے ڳالھ مہاڑ

پاک فوج دے سربراہ جنرل سیدعاصم منیر نال برطانوی آرمی دے چیف آف جنرل اسٹاف جنرل سر پیٹرک نکولس یارڈلی مونراڈ سینڈرز جی ایچ کیو اچ ملاقات کیتی جئیں اچ علاقائی سلامتی دے معاملے اتے آپسی دلچسپی دے معاملیاں تے ڳالھ مہاڑ کیتی ڳی۔  آئی ایس پی آر موجب جی ایچ کیو پڄݨ تے سی جی ایس یوکے آرمی یادگار شہداء تے پھلاں دی چادر چڑھائی۔ پاک فوج دے چاق چوبند دستے معزز مزمان کوں گارڈ آف آنر پیش کیتا۔ معزز مزمان دہشت گردی دے خلاف جنگ اتے خطے اچ امن و استحکام بارے پاک فوج دی قربانیاں اتے کامیابیاں دی تعریف کیتی۔ ایں توں پہلے سی جی ایس برطانیہ چیئرمین جوائنٹ چیفس آف اسٹاف کمیٹی جنرل ساحر شمشاد مرزا نال وی  جوائنٹ اسٹاف ہیڈ کوارٹرز راولپنڈی اچ ملاقات کیتی