ملکی معیشت اوکھی ضرور اے ٻھل تیکھے سنٻھل ویسی، ݙیوالہ تھیوݨ دا کوئی امکان کائنی، وزیرخزانہ سینیٹرمحمداسحاق ڈار

وفاقی وزیر خزانہ و محصولات سینیٹر محمد اسحاق ڈار آکھیے جو ملکی معیشت اوکھی ضرور اے ٻھل ایندے اچ چنڳائی تھیسی اتے تیکھے سنٻھل ویسی، کڄھ لوکاں کوں ملک دے ݙیوالہ تھیوݨ دی سک اے ٻھل اے نا تھیوݨ ݙیسوں، کاروباری طبقے دے جائز مطالبات منیسوں وی سہی اتے سہولتاں وی ݙیسوں۔ میݙیا نال ڳالھ مہاڑ کریندے انہاں آکھیا جو ملکی مالی چیلجز تے سارے شراکت داراں دے ڳانݙھے نال قابو پاتا ویسی، ملک کوں 2013 آلی کار ہک واری ول معاشی اوکھ توں کݙھسوں، ݙیوالہ تھیوݨ دی دیاں ڳالھیں اچ کوئی صداقت کائنی نا ہی اینڄھا کوئی امکان اے، اینڄھاں ڳالھیں کھنݙاوݨ آلیاں کوں شرم آوݨی چاہیدی اے۔ انہاں آکھیا جو کوشش اے ڄیڑھے وی وعدے کروں او پورے پورے وی تھیون، پاکستان ساریاں بیرونی ادائیگیاں کوں تور پچائے، ملکی معیشت کوں پائیدار نمو اتے استحکام ݙیوݨ دے سارےا قدامات تھیندے پن، عوام کوں ودھ ریلیف ݙیسوں۔ انہاں اکھیا جو ملک اچ سیاسی عدم استحکام نال معیشت ہیݨی تھیندی اے، آئی ایم ایف پروگرام اچ چرک نال اوکھ آسن