ہݨ تئیں 158 پروازں تے 40 ہزار 781پاکستانی عازمین حج سعودی عرب پڄ ڳن۔ ترجمان

ترجمان وزارت مذہبی امور آکھیے جو ہݨ تئیں 158 پروازں تے 40 ہزار 781پاکستانی عازمین حج سعودی عرب پڄ ڳن۔ ہک بیان اچ انہاں آکھیے جو مدینہ منورہ اچ سرکاری سکیم دے 27 ہزار 686 پاکستانی عازمینِ حج موجود ہین، 13 ہزار 95 سرکاری عازمینِ حج مدینہ منورہ 8 ݙینھ رہݨ توں بعد مکہ مکرمہ پڄ ڳن۔ 18 حج گروپ آپریٹرز نال 1 ہزار توں ودھ پرائیویٹ سکیم دے عازمین وی سعودی عرب پڄین۔ وزارت دی مانیٹرنگ ٹیم 12 حج گروپ آرگنائزرز دی فیلڈ اسیسمنٹ مکمل کرڳھدی اے اتے حاڄیاں کیتے معاونین اتے طبی عملہ دی تعداد 522 اے۔ مکہ مکرمہ اچ 334، مدینہ اچ 172 اتط جدہ ایئرپورٹ تے 19 افسران و عملہ تعینات اے۔ عازمینِ حج دی رہنمائی و شکایات نمٹاوݨ کیتے سعودی عرب اچ ہیلپ لائن ٻݨا ݙتی اے