کراچی میں نجی یونیورسٹی کی وین کو ڈاکوؤں نے لوٹ لیا
June 7, 2023
کراچی کے علاقے گلستان جوہر میں نجی یونیورسٹی کی وین کو ڈاکوؤں نے لوٹ لیا۔
پولیس کے مطابق ڈاکوؤں نے وین کی چابی نکال کر پھینک دی اور 15 منٹ تک واردات کرتے رہے۔
ڈاکو وین میں موجود طالبات اور اساتذہ سے موبائل فون، نقدی اور دیگر سامان لوٹ کر فرار ہوگئے۔
پولیس کا کہنا ہےکہ طالبات اور اساتذہ کے مطابق واردات موٹر سائیکل سوار 2 ڈاکوؤں نے کی۔
پولیس کے مطابق متاثرہ افراد سے رابطہ کیا جا رہا ہے اور سی سی ٹی وی فوٹیج بھی حاصل کی جا رہی ہے۔
