چیئرمین سینیٹ محمد صادق سنجرانی دی روس دے پارلیمنٹرین اتے حکومتی عہدیداراں نال ملاقاتاں دا سلسلہ جاری اے

چیئرمین سینیٹ محمد صادق سنجرانی دا چار ݙینھ دا دورہ روس وچال روس دے پارلیمنٹرین اتے حکومتی عہدیداراں نال ملاقاتاں دا سلسلہ جاری اے۔  چیئرمین سینیٹ پارلیمانی وفد رلے روس دے نائب وزیر اعظم منسٹر الیگزنڈر نوویک، سٹیٹ ڈوما دے چیئرمین وی وی ولودین اتے روس دے مفتی اعظم گینوت الدین نال ملاقاتاں دے علاوہ کریملن دی دیوار (Kremlin Wall) دے نیڑے گمنام سپاہیاں دی یادگار تے ڳے اتے پھل چڑھائے۔ روسی سپیکرولوں اعلیٰ سطح وفد کوں روس دے دورے دی دعوت اتے اعلی تریں فورم نال خطاب ݙو پاسہ تعلقات دے ودھارے اچ ہک نواں ودھارا اے۔ چیئرمین سینیٹ محمد صادق سنجرانی آکھیا جو پاکستان اتے روس دی اپݨی ہک سیاسی تاریخ اے۔ پاکستان خطے وچال رابطیاں کوں سماجی اتے اقتصادی ترقی کیتے اہم سمجھدے۔ دورہ روس دا مقصد ݙوپاسہ تعلقات کوں نویں اُچائی تے ڳھن ونڄم اے۔ دور وچال چیئرمین سینیٹ محمد صادق سنجرانی اتے روس دے نائب وزیر اعظم منسٹر الیگزنڈر نوویک وچال ماسکو اچ اہم ملاقات تھئی۔ ایں موقع تے چیئرمین سینیٹ دے رلے  وفد اچ سینیٹر ز منظور احمد کاکڑ، دلاور خان، روبینہ خالد، نزہت صادق، عبدالغفور حیدری، عبدالقادر، طاہر بزنجو، اتے ٻے شریک ہن