سپیکر تے ڈپٹی سپیکر قومی اسمبلی دا خیبرپختونخوا دے ضلع سوات مینگورہ اچ نا معلوم بندیاں دی فائرنگ نال ݙو پولیس اہکاراں اتے سکیورٹی گارڈ دے جاں بحق تھیوݨ تے افسوس

سپیکر قومی اسمبلی راجہ پرویز اشرف اتے ڈپٹی سپیکر قومی اسمبلی زاہد اکرم درانی خیبرپختونخوا دے ضلع سوات مینگورہ اچ نا معلوم بندیاں دی فائرنگ نال ݙو پولیس اہکاراں اتے سکیورٹی گارڈ دے جاں بحق تھیوݨ تے افسوس کیتے۔ انہاں کانسٹیبل اشرف علی ، کانسٹیبل عمرا خان اتے سکیورٹی گارڈ دے جاں بحق تھیوݨ تے افسوس کریندیں ہوئیں آکھیا جو سکیورٹی ادارے اساݙا فخر ہن۔ انہاں آکھیا جو پوری قوم شرپسنداں دی سازش کوں بے نقاب کرݨ اتے دہشت گردی دے واقعیاں دے خلاف متحد اے۔ اسپیکر قومی اسمبلی اتے ڈپٹی سپیکر شہیداں دے درجات دی بلندی اتے سوگوار ٹبر کیتے صبر دی دعا کیتی۔