پاکستان اتے ترکیہ ہک جان ݙو قالب ہن، ݙوہیں ملکاں ہمیشہ اوکھے حالات اچ ہک ݙوجھے دا ساتھ ݙتے، وزیراعظم شہباز شریف دا دورہ ترکیہ وچال ”حبر گلوبل” کوں انٹرویو

وزیراعظم محمد شہباز شریف آکھیا جو پاکستان اتے ترکیہ ہک جان ݙو قالب ہن، ݙوہیں ملکاں ہمیشہ اوکھے حالات اچ ہک ݙوجھے دا ساتھ ݙتے۔ ݙوہیں ملکاں وچال تجارتی حجم پنج ارب دالر تئیں ودھیسوں۔ کشمیریاں کوں اقوام متحدہ دی قرارداداں دے مطابق حق خودارادیت ݙتے بغیر خطے اچ امن نی تھی سڳدا۔ پاکستان اتے بھارت اسلحہ اتے جنگی جہاز ڳھنݨ دی بجائے اپݨے علاقیاں توں غریبی اتے جہالت دے خاتمے تے وسائل لاون۔ اتحادی حکومت پاکستان کوں ڈیفالٹ دے سنگین خطرے توں بچائے، پاکستانا چ عام انتخابات دی تاریخ الیکشن کمیشن ڈیسی اتے اساں اوندی پابندی کریسوں۔ نو مئی دے واقعیاں اچ ملوث عناصر دے خلاف قانون دے تحت کاروائی تھیسی۔ عمران خان خان کوں نو مئی کوں کرپشن اتے اختیارات دے ناجائز استعمال دے کیس اچ گرفتار کیتا ڳے۔ انہاں دے آکھݨ تے فوجی تنصیبات تے عملے کیتے ڳے۔ دورہ ترکیہ ؤچال”حبر گلوبل” کوں ݙتے ڳے انٹرویو اچ انہاں آکھیا جو  ترکیہ دے صدر رجب طیب اردوان کوں ہک واری ولا زبردست جت تے مبارخ ݙینداں۔ انہاں کہیں شک دے بغیر ثابت کیتے جو او ہک زبردست مقابلہ کرݨ آلی شخصیت ہن، او ہک عظیم سیاستدان اتے رہنما ہن۔ انہاں آکھیا جو پاکستان اتے ترکیہ ہک جان ݙو قالب ہن، ݙوہیں ملکاں ہمیشہ اوکھے حالات اچ ہک ݙوجھے دا ساتھ ݙتے۔ ݙوہیں ملکاں وچال تجارتی حجم پنج ارب دالر تئیں ودھیسوں۔ کشمیریاں کوں اقوام متحدہ دی قرارداداں دے مطابق حق خودارادیت ݙتے بغیر خطے اچ امن نی تھی سڳدا۔ پاکستان اتے بھارت اسلحہ اتے جنگی جہاز ڳھنݨ دی بجائے اپݨے علاقیاں توں غریبی اتے جہالت دے خاتمے تے وسائل لاون