وزیراعظم شہباز شریف اِرا ارب روپئی نا خڑچ آن اسہ سال انا ریکارڈ مداٹی پورو مروک آ ڈٹ سیونتھ ایونیو اوور ہیڈ برج انا بناءِ کرے

وزیراعظم شہباز شریف سیونتھ ایونیو اوور ہیڈ برج انا بناءِ کرے، دا ڈٹ ءِ اسہ سال انا ریکارڈ مد اٹی پورو کننگانے۔ چارشنبے نادے آ  وزیراعظم ءِ ڈٹ انا بناءِ کننگ آن مست اونا بارواٹی حوال تننگا۔ سیونتھ ایونیو اوور ہیڈ برج ڈٹ انا بناءِ کننگ نا وخت آ بنجائی وزیر حوالکاری و شینکاری مریم اورنگزیب ، بنجائی وزیر داخلہ رانا ثناء اللہ ئسک ہم وزیر اعظم تون اوار ئسر۔ مسکوہی قومی اسمبلی نا باسک چوہدری طارق فضل چوہدری، حنیف عباسی و انجم عقیل خان ئسک ہم داوخت آ ساڑی ئسر۔ وزیراعظم ءِ پاننگاکہ سیونتھ ایونیو اوور ہیڈ برج انا مرغنی اِرا کلومیٹر ءِ ہرا سری نگرہائی وے آ ٹی ءِ۔ اونا چار لوپس ءُ و اسہ فلائی اوور اسے۔ دا ڈٹ اسہ سال انا ریکارڈ  مد اٹ پورو کننگا۔ داڑان ٹریفک نا ہن و بر ءِ برقرار تخنگ اٹ کمک رسینگک۔ دا ڈٹ جی سکس و جی سیون ءِ اسہ ایلو تون اوار کیک۔ دا ڈٹ اٹی 615 میٹر نا اسہ انڈرپاس اس ہم اوار ءِ۔ دا ڈٹ آ کل خڑچ اِرا ارب روپئی آن ہم کم ءِ