د سختو حالاتو باوجود مو بجټ كښې سركاري ملازمينو او اولس ته هر ډول ممكنه ريليف وركړے ٬ له روسيه وروستو آذربائيجان سره هم د توان لوظنامه شوې٬ د وزيراعظم شهباز شريف د مسلم ليګ (ن) جنرل كونسل غونډې ته خطاب

 وزیراعظم شهباز شریف وئيلي دي د سختو حالاتو باوجود مو بجټ كښې سركاري ملازمينو او اولس ته هر ډول ممكنه ريليف وركړے٬ پاكستانې اولې يو مېړنې قوم دے كوم چې د هر ډول ستونزو مړانې سره مقابله كړې٬ د سائفر او غېر ملكي سازش بيانيه وركوؤنكي پرله پسې دروغ وئيلي٬ له روسيه څخه آرزان تېل راغلي ٬ آذربائيجان سره هم د توان لوظنامه شوې٬ د پاكستان كوچنې كوچنې له خپل سر څخه تېرېدې شي خو د كشمير سودا كولې نه شي٬ هغه وخت لرے نه دے چې نواز شريف به په څلورم ځل د دې هېواد وزيراعظم جوړ شي٬ مونږ آئي اېم اېف سره لوظنامه كولو سره هېواد د پرمختګ په لاره روانول غواړؤ۔ د دې خيالاتو څرګندونه ده د جمعې په ورځ د مسلم ليګ (ن) جنرل كونسل غونډې ته خطاب كښې وكړه۔ ده ووئيل د ګوند په صدر ټاكل كولو زه د خپلو ملګرو او جنرل كونسل مننه كوم۔ ده ووئيل دا درناوې د نواز شريف امانت دے ٬ كله چې هغه هېواد ته راشي نو دا به هغه ته وسپارلے شي۔ ده ووئيل كله څخه چې مريم نواز د ګوند د چیف آرګنائزر چوكۍ سنباله كړې ده ٬ هغه شپه او ورځ خواري كوي٬ كلي كلي ته رسېدلې ٬ هغه يوه همت لرونكې لارښوده ده۔ ده ووئيل په هېواد كښې 60 فيصد ځوانان دي٬ د نواز شريف په مشرۍ كښې ځوان ليډرشپ ته اړتيا ده٬ كله چې نواز شريف هېواد ته راشي نو د هېواد سياسي نقشه به بدله شي۔ ده ووئيل 20، 20 ساعته د برېښنا تيرې نواز شريف ختمې كړې٬ موټروېز هغه جوړې كړې٬ د كركيلې پرمختګ له شپه او ورځ هغه كار وكړو٬ نواز شریف په لندن كښې دې ٬ كارمندان ٬ د قومي او صوبائي اسمبليو غړو خواري وكړه٬ زندانونه يۍ وخوړل ٬ كارمندان خپلې مشرتابه سره لكه د غر مضبوط ولاړ دي ځكه په مشرتابه كښې هم د زندان خوړولو حوصله پېدا شوه۔ وزیراعظم ووئيل په سختو حالات كښې مو اقتدار ترلاسه كړو۔ ده ووئيل د سختو چېلنجونو باوجود د خزانې وزير اسحاق ډار شپه او ورځ خواري وكړه ٬ د ده په خوارۍ او امانت دارۍ كښې كومه خبره نشته۔ ده د آئي اېم اېف ټولو شرطونو پورا كولو له هره ستونزه برداشت كړه۔ آئي اېم اېف سره لوظنامه كولو سره هېواد د پرمختګ په لاره روانول غواړؤ۔ ده ووئيل مونږ سياست نه رياست بچ كړے٬ په سختو حالاتو كښې دا پرېكړه كومه آسانه پرېكړه نه وه۔ ده ووئيل ګرانۍ د اولس ملا ماته كړې ده٬ په نړۍ كښې د تېلو او د خوراك څښاك څيزونو بيعه آسمان سره خبرې كوي٬ مونږ همټ له لاسه نه دے وركړے ٬ اتحادي حكومت پرېكړه كړی چې د سختو حالاتو مقابله به كوؤ۔ د سخت صورتحال باوجود مو بجټ كښې سركاري ملازمينو او اولس ته ټول ممكنه ريليف وركړے۔ د سركاري ملازمينو په تنخا كښې مو 30 او 35 فیصده او پنشن كښې مو 17 نيم فيصده اضافه وكړه۔ ده ووئيل آذربائیجان سره د ارزان ګاز لوظنامه وكړې شوه ، روسيه څخه ارزان تېل رارسېدلې دي۔ د آذربائیجان صدر ووئيل پاكستان زمونږ ورور هېواد دے۔ وزیراعظم ووئيل د پي ټي آئي مشر وئيلي وو چې مودي به بريالې كیږي نو دا به د پاكستان په ګټه وي۔ ده دغې ځايې څخه يوه ورځ درآمدات پرانستل او په بله ورځ يۍ بند كړل۔ ده ووئيل مونږ د نرېندار مودي مدحې نه وايؤ۔ نواز شریف د كشمير په اړه بشپړه او قوي پالېسي خپله كړې۔ هغه په نيويارك كښې بشپړ تقرير كړې٬ ما هم په امريكا كښې د پاكستان موقف په بشپړه ډول وړاندے كړو۔ ده ووئيل د پاكستان كوچنې كوچنې له خپل ژوند څخه تېرېدے شي خو د كشمير سودا كولې نه شي۔ ده ووئيل اولس بايد حالاتو څخه پرېشانه نه شي٬ ده ووئيل زما ارمان دے چې زما په ژوند كښې پاكستان د نواز شريف په مشرۍ كښې د قائداعظم په لاره روان شي۔