ذی الحج دا چندر ݙس ڳئے، عیدالاضحیٰ 29 جون کوں تھیسی

 پاکستان اچ ذی الحج دا چندر ݙس ڳئے، یکم ذی الحج 20 جون منگل کوں ڄݙاں جو عیدالاضحیٰ 29 جون خمیس کوں تھیسی۔ ذی الحج دا چاند ݙیکھݨ کیتے مرکزی رویت ہلال کمیٹی دا اجلاس چیئرمین مرکزی رویت ہلال کمیٹی مولانا عبدالخبیر آزاد دی اڳواݨی اچ کراچی اچ تھئے۔ اجلاس اچ وزارت مذہبی امور، سپارکو، محکمہ موسمیات اتے وزارت سائنس و ٹیکنالوجی دے نمائندے شریک ٹھین ڄݙاں جو رویت ہلال دی زونل کمیٹیاں دے اجلاس متعلقہ شہراں اچ تھین۔ پورے ملک توں چندر ݙسݨ دیاں شہادتاں دے جائزے توں بعد کمیٹی دے چیئرمین مولانا عبدالخبیر آزاد اعلان کیتے جو ذی الحج دا چندر ݙس گئے، عیدالاضحیٰ 29 جون خمیس کوں تھیسی