ترقی یافتہ ممالک ماحولیاتی مسائل نال نمٹݨ کیتے ترقی پذیر ملکاں دا ہتھ ونݙاون، وزیراعظم شہباز شریف دی امریکی صدر دے نمائندہ خصوصی جان کیری نال ڳالھ مہاڑ

وزیراعظم محمد شہباز شریف آکھیے جو ترقی یافتہ ممالک ماحولیاتی مسائل نال ترقی پذیر ممالک دی شرح نمو تے پووݨ آلے منفی اثرات توں نکلݨ کیتے ہتھ ونفاون، ایں سانڳے عالمی مالیاتی ڈھانچے اچ اصلاح دی لوڑھ اے، اے ڳالھ انہاں پیرس اچ ماحولیات کیتے امریکی صدر دے نمائندہ خصوصی اتے سابق وزیر خارجہ جان کیری نال ملݨ ویلھے اکھی۔ وزیراعظم ماحولیات دے مسئلے تے جان کیری اتے امریکی حکومت دی ترجیحات دی تعریف کیتی اتے آکھیا جو ماحولیاتی مسائل ڄڳ دا ہکو سواں مسلہ اے، جیندے نال نٻݨݨ کیتے مشترکہ حکمت عملی دی لوڑھ اے۔ وزیراعظم آکھیے جو کوپ 27 اچ لاس اینڈ ڈیمیج فنݙ ٻݨݨ دے بعد وسائل دے وعدیاں کوں عملی شکل ݙیوݨ اہم اے، نویں عالمی مالیاتی معاہدے کیتے پیرس سربراہی کانفرنس ترقی پزیر ممالک کیتے امید دا سنیہا اے۔ جان کیری موسمیاتی تبدیلیاں دے مسئلے نال ترقی پزیر ممالک کیتے خطرات اچ ودھارے نال اتفاق کیتے۔ ݙوہاں رہنماواں مشترکہ کوششاں کیتے رابطے برقرار رکھݨ اتے مشاورت توں اڳو ودھݨ تے وی اتفاق کیتے