مزن وزیر محمد شہباز شریف ءِ مارتنگ ضلع شانگلہ ءَ کوھ ءِ ٹُکر ءِ پرشگ ءُ 8 زھگ ءِ چیر ترگ ءِ سبب ءَ ڈکھ درشان ، اے واکیہ ءَ چیر کوھ ءِ چیر ءَ چیر تروکیں زھگ آنی ھاندان آناں ھمک مردم 10 لکھ کلدار مالی کمک ءِ جار جتگ

مزن وزیر  محمد  شہباز شریف  ءَ  مارتنگ  ضلع  شانگلہ ءَ   کوھ ءِ ٹکر ءِ کپگ ءُ  پرشگ  ءِ سبب ءَ   8   زھگ  ءِ چیر تروکیں   زھگ آنی  ھانداسن آناں   ھمک  مردم   10 لکھ کلدار   کمک  جار  جتگ۔  آدینگ ءِ روچ ءَ مزن وزیر  کارگس  ءِ  میڈیا ونگ ءِ  نیمگ ءَ جاڑی بوتگیں  بیان ءِ رد ءَ  مزن وزیر  محمد  شہباز  شریف  ءَ مارتنگ  ضلع  شانگلہ ءَ   کوھ ءِ کپگ   ءِ  واکیہ   8 زھگ ءِ      گس ءِ مردم آناں   مالی کمک ءِ جار  جتگ۔   آئی ءَ ھمک بیران  بوھوکیں ھاندان ءَ را   10 لکھ  کلدار ءِ مالی  کمک ءَ جار جتگ۔     کوھ ءِ   پرشگ  ءَ چہ ٹپیگ  بوھوکیں  مردم آناں   ھم  مزن وزیر ءِ نیمگ ءَ  مالی کمک ءَ جار  جتگ۔  مزن وزیر  ءَ مالی کمک ءِ جار  وتی مشیر   ءُ خیبر  پختونخوا  ءَ مسلم  لیگ  ن ءِ صدر  انجینئر امیر  مقام  ءِ دزبندی ءَ  چہ کتگ۔   انجینئر  امیر  مقام ءَ  مزن وزیر   ءَ را  نمدی  نبشتہ کتگ     ءُ مارتنگ  واکیہ  ءَ  بیران بوتگیں   ءُ ٹپیگ  آنی  واستہ مالی  کمک ءِ اپیل  کتگ بوتگ۔  مزن وزیر   محمد شہباز شریف  ءَ انجینئر امیر مقام  ءَ را  آماچیں ھاندان آں  گوں گند ءُ  نند  کنگ ءُ دلپدردی ءِ درشان  کنگ ءِ پنت ءُشون  کتگ۔  آئیءَ  گوشت  کہ آماچیں ھاندان  آنی گوما  گم جتی ءِ  ساھت ءَ   ھمکچی ءَ شریک آں