چیئرمین پی ٹی آئی ساݙھے 3 سو ڈیمز ٻݨاوݨ دی بجائے لوکاں کوں بے وقوف ٻݨائے، وفاقی وزیر اطلاعات دا ریڈیو پاکستان پشاور اچ تقریب نال خطاب

وفاقی وزیر اطلاعات و نشریات مریم اورنگزیب آکھیے جو چیئرمین پی ٹی آئی دی جلائو گھیرائو اتے تشدد دیاں سازشاں بے نقاب تھی چکین، ایں فارن ایجنٹ اقتدار دی ہوس اچ ملک دا ٻیڑا غرق کیتے، 9 مئی دا سیاہ ݙینھ پاکستان دی تاریخ اچ ہمیشہ یاد رکھیا ویسی۔ اے ڳالھ انہاں ریڈیو پاکستان پشاور دے دورے ویلھے تقریب نال خطاب اچ آکھی۔ انہاں ریڈیو پاکستان پشاور دی ساڑی ڳئی عمارت دی بحالی دے کم دا وی افتتاح کیتا۔ انہاں آکھیا جو پی ٹی آئی دے شرپسنداں ریڈیو پاکستان دی عمارت کوں ساڑیے، خیبر پختونخوا اچ انہاں دی اپݨی حکومت احتساب کمیشن کوں تالا لائے، اساں شہریاں کوں سینما ہائوسز تئیں سستی رسائی ݙیسوں، اڄ پاکستان ترقی دی راہ تے ٹر پئے