مزن وزیر شہباز شریف ءَ گوں بیلاروس ءِ وزیر ءِ درئی کار ءَ گوں گند ءُ نند، سائنس ، ٹیکنالوجی ، وانگ ءُ زانگ ، دود ءُ ربیدگ ءُ ایندگر شوبگ آنی تہ ءَ وت مہ وتی کمک آناں ودینگ ءِ جزم ءِ درشان

مزن وزیر  محمد  شہباز شریف  ءَ  بیلاروس  ءِ گوما   اقتصادی  ، کشت ءُ کشاری،  سائنس  ءُ ٹیکنالوجی  ، انفارمیشن   ٹیکنالوجی،  وانگ ءُ زانگ ، دود ءُ ربیدگ ءُ ایندگر شوبگ آنی  تہءَ کمک آناں  ودینگ  ءِ  واستہ   پاکستان  ءِ جزم  ءِ    درشان  ءَ  کنان ءَ  گوشتگ کہ پاکستان   بیلاروس  ءِ گوما  وتی    جوانیں  ءُ   یکجائی  یکوئی آناں   شرپ ءِ نگاہ آں  چار ائیت۔   مزن وزیر کارگس  ءِ  پریس ونگ ءِ   رد ءَ  مزن وزیر  محمد   شہباز شریف    ءَ چار  شمبے  ءِ روچ ءَ لاہور    ءَ بیلاروس  ءِ  وزیر ءِ درئی کار   سرگئی  ایلینک    (Sergei Aleinik)   ءَ  گوں گند ءُ نند  کت۔  مزن وزیر    ءَ  بیلاروس ءِ وزیر ءِ درئی کار  ءَ را  وش اتک  کت۔  وزیر ءِ درئی کار  ایلینک  ءَ  مزن وزیر ءَ را  صدر  لوکاشینکو   ءَ را     کلوہ   دات  ایشی ءِ تہءَ گوشگ بوت کہ  بیلاروس  پاکستان   ءَ را  پڑ  ءَ یک ارزشتی  ایں ملک  ءِ   پھم ائیت ءُ دمگی  ایمنی ءُ  برجائی  ءَ را  دیمروئی   ءِ  واستہ   ایشی ءِ کوشست  آناں ساڑائیت۔   مزن وزیر  ءَ  بیلاروس  ءِ  وزیر ءِ درئی کار  ءَ را  بھارت  ءِ نیمگ ءَ چہ مقبوضہ  جموں کشمیر    ءَ بنی آدمی  ھک  آنی  لگت  مالی   ءِ ھوالگ ءَ  سرپد   کت۔  پاکستان   ءُ   بیلاروس ءِ  2024   ءَ سفارتی  یکوئی آنی برجائی ءِ  30 سی  ھمی سالروچ  ءِ رد ءَ  مزن وزیر   ءَ   یک شلی ءَ  مزن  تکی   ڈل آنی  روگ ءُ آیگ   ءُ ایندگر  چست ءُ ایر  آناں وش اتک  کت۔ اے  رد ءَ آئی  ءَ  بیلاروس  ءِ صدر   ءَ را   زوت  پاکستان  ءِ تر  ءُ تاب  کنگ ءِ  دعوت  ھم   دات