بنجائی وزیر جان جوڑی عبدالقادر پٹیل نا پاک امریکہ ہیلتھ ڈائیلاگ آن تران

 بنجائی وزیر جان جوڑی عبدالقادر پٹیل پارینے کہ پاک امریکہ ہیلتھ ڈائیلاگ ناارٹ میکو دور اٹی نما غٹ اناخیرمقدم  ءِ کننگ کنکن بھلو اعزاز نا ہیت اسے، بنداوی جان جوڑی نا خیالداری، غذائیت، متعدی ناجوڑی تا مون ءِ توننگ کن اواری اٹ کاریم کروئی مریک، موسمیاتی و چاگڑدی چیلنج آتون مون تننگ کن گرین الائنس کن ہم اسیجائی وڑاٹ کاریم کننگ۔ داخیال آتا درشسانی ءِ او پاک امریکہ نا نیام اٹ ہیلتھ ڈائیلاگ اٹی تران کرساکرے۔ بنجائی وزیر پارے کہ پاک امریکہ ہیلتھ ڈائیلاگ نا ارٹ میکو دورا ٹی نما غٹ انا خیرمقدم ءِ کننگ کنکن بھلو اعزاز ناہیت اسے۔ پاکستان و امریکہ نا حکومت آتا نیام اٹ سنگتی نا تعلقداری نا تاریخ 75 سال آن زیات متکن ءِ۔ اوپارے کہ امریکی حکومت نا کنڈآن پاکستان نا جان جوڑی نا بشخ اٹی کمکاری نا تاریخ مسہ دہائی تیان ہم زیات  متکن۔ جان جوڑی نا بشخ اٹی ہڑتوم آ کنڈآتا تعلقداری تے سوگو و برقرار تخنگ کن سنبرینگوک ءِ۔ اینو نن اسیجائی سٹریٹجک اولیت آتیاپین سجفنگک و پین گچین کمکاری کن اسہ روڈ میپ اسے ہم سجفک ۔ اوپارے کہ ڈائیلاگ نااولیکو راؤنڈ واشنگٹن اٹی اڈ ہلک، ہڑتوم آ حکومت آک کمکاری کن گیشتر بشخ آتیا امنا کریر۔ جان جوڑی نا بشخ اٹی پاک امریکہ مذاکرات تعمیری و سودمندثابت مریک۔ جان جوڑی شونداری ونیزگاری نا چٹفنگ کن اسہ جہانی گڑتی اسے عبدالقادر پٹیل پارےکہ امریکی ایجنسی جہانی شونداری و ناجوڑی تا کنٹرول نا مرکز نا کمک اٹ اسٹریٹجک کمک فراوان کرسا کرینے۔ بنداوی جان جوڑی نا خیالداری، غذائیت ، متعدی ناجوڑی تا مون ءِ توننگ کن اواری اٹ کاریم کروئی مریک