وزیراعظم محمد شہباز شریف نال بلوچستان عوامی پارٹی دے وفد دی چیئرمین سینیٹ محمد صادق سنجرانی دی قیادت اچ ملاقات ، صوبے دے ترقیاتی منصوبیں تے مسئلیں دے حل کیتے کمیٹی قائم

وزیرِ اعظم محمد شہباز شریف بلوچستان دے ترقیاتی منصوبیں تے مسئلیں دے حل کیتے بلوچستان عوامی پارٹی دے تحفظات دور کرݨ کیتے کمیٹی قائم کرݙتی، ایں موقع تے  بی اے پی بجٹ اجلاس اچ شرکت دا فیصلہ اتے حکومت دی بھرپور حمایت دا اعادہ کیتے۔جمعے کوں پی ایم  آفس دے میڈیا ونگ توں جاری بیان موجب وزیراعظم محمد شہباز شریف نال بلوچستان عوامی پارٹی دے وفد چیئرمین سینیٹ محمد صادق سنجرانی دی قیادت اچ ملاقات کیتی۔ملاقات اچ بلوچستان عوامی پارٹی بجٹ اجلاس اچ شرکت دا فیصلہ تے حکومت دی بھرپور حمایت دا اعادہ کیتے ۔وزیرِ اعظم محمد شہباز شریف بلوچستان دے ترقیاتی منصوبیں اتے مسئلیں دے حل کیتے بلوچستان عوامی پارٹی دے تحفظات دور کرݨ کیتے کمیٹی قائم کرݙتی  ۔چیئرمین سینیٹ صادق سنجرانی، خالد حسین مگسی، مولانا غفور حیدری، آغا حسن بلوچ، اسحاق ڈار، احسن اقبال، ڈاکٹر مصدق ملک، اعظم نذیر تارڑ اتے منظور کاکڑ کمیٹی دے رکن ہوسن  ،کمیٹی آندے ہفتے  تفصیلی مشاورت دے بعد اپݨی سفارشات پیش کریسی ۔وزیراعظم محمد شہباز شریف آکھیے بلوچستان عوامی پارٹی حکومت دی اہم اتحادی اے  جیں  حکومت دے ہر فیصلے اچ اہم کردار ادا کیتے ،پاکستان دی ترقی بلوچستان دی ترقی نال مشروط اے