آندے مالی سال دے بجٹ اچ ریلوے ڈویژن دے 28 جاری اتے 9 نویں منصوبیں تے سکیماں کیتے 33000 ملین روپے رکھئے ڳن
وفاقی حکومت آندے مالی سال 24۔2023 دے بجٹ اچ سرکاری شعبہ دے ترقیاتی پروگرام دے تحت ریلوے ڈویژن دے 28 جاری اتے9 نویں منصوبیں تے سکیماں کیتے مجموعی طور تے 33000 ملین روپے مختص کیتن ۔ جمعہ کوں جاری پی ایس ڈی پی دستاویز موجب 28 جاری منصوبیں کیتے مجموعی طور تے 28850 ملین روپے رکھئے ڳئن جݙاں جو 9 نویاں سکیماں کیتے 4150 ملین روپے رکھیے ڳن ۔ ریلوے ڈویژن دے نویں منصوبیں کیتے ٹریک مشیناں دی تبدیلی کیتے 400 ملین روپے، پاکستان ریلویز دی موجودہ مین لائن ایم ایل ون دی اپ گریڈیشن اتے حویلیاں دے نیڑے ڈرائی پورٹ دے قیام دے سی پیک دے منصوبے کیتے 200 ملین روپے، ویکیوم بریک توں ایئر بریک تے 328 ایم بی ایف آر ایس دی تبدیلی تے 400 ملین روپے، شیرشاہ ریلوے پل نمبر ون اتے شیرشاہ کندیاں (ملیان ڈویژن) تے بند دی تعمیر کیتے 150ملین روپے، ٹنڈو آدم روہڑی سیکشن سکھر ڈویژن تے ٹریک سیفٹی ورکس دی فوری تنصیب کیتے 1000 ملین روپے، سکھر ڈویژن اچ روہڑی خان پور سیکشن تے ٹریک سیفٹی ورکس ݙیوݨ کیتے 1000 ملین روپے، مواصلاتی نظام دی بہتری کیتے 200 ملین روپے، کراچی لوڈ آئوٹ سٹیشن ٹرمینل تے پورٹ قاسم ریل مال برداری ٹرمینل دے قیام دے منصوبے کیتے 300 ملین روپے، ریلوے ٹریک دی بحالی دیاں مشیناں اتے کریناں دی بحالی و مرمت کیتے 500 ملین روپے رکھئے ڳئن۔ 28 جاری منصوبیں اچ وزارت ریلوے دے چائنہ پاکستان اقتصادی راہداری سپورٹ پراجیکٹ نظرثانی شدہ جاری منصوبہ کیتے 60 ملین روپے، چمن یارڈ بشمول پاک افغان بارڈر ریلوے ٹریک دی تعمیر کیتے 592 ملین روپے، کراچی اتے بھکر اچ ٹریک سیفٹی ورکس دی تعمیر کیتے 868.891 ملین روپے، کراچی مارشلنگ یارڈ پوائنٹ دی اپ گریڈیشن اتے ٹرمینل سہولت ݙیوݨ کیتے 943 ملین روپےرکھئن ۔
