وزیراعظم محمد شہباز شریف تون بلوچستان عوامی پارٹی نا ڈل انا چیئرمین سینیٹ محمد صادق سنجرانی نا کماشی ٹی اوڑدہی، صوبہ نا شونداری ڈٹ و ویل آتا ایسری کن کمیٹی اس جوڑ

وزیراعظم محمد شہباز شریف بلوچستان نا شونداری ڈٹ و ویل آتا ایسری نا بابت بلوچستان عوامی پارٹی نا گڑتی تے مُر کننگ کن کمیٹی اس جوڑ کرے، دا وخت آ بی اے پی بجٹ دیوان اٹی بشخ ہلنگ نا فیصلہ و حکومت نا پبی مخ تفی نا درشانی ءِ کرے۔ جمعہ نادے آ پی ایم آفس نا میڈیا ونگ آن جاری بیان نا رداٹ وزیراعظم محمد شہباز شریف تون بلوچستان عوامی پارٹی نا ڈل چیئرمین سینیٹ محمد صادق سنجرانی نا کماشی ٹی اوڑدہی کرے۔ اوڑدہی ٹی  بلوچستان عوامی پارٹی بجٹ دیوان اٹی بشخ ہلنگ نا فیصلہ و حکومت نا پبی مخ تفی نا درشانی ءِ کرے۔ وزیراعظم محمد شہباز شریف بلوچستان نا شونداری ڈت و ویل آتا ایسری نا بابت بلوچستان عوامی پارٹی نا گڑتی تے مُر کننگ کن کمیٹی اس جوڑ کرے۔ چیئرمین سینیٹ صادق سنجرانی ، خالد حسین مگسی، مولانا غفور حیدری، آغاحسن بلوچ، اسحاق ڈار، احسن اقبال، ڈاکٹر مصدق ملک، اعظم نذیر تارڑ و منظورکاکڑ کمیٹی نا باسک مریرہ، کمیٹی بروک آ ہفتہ سرجم سلابت آن پد تینا سلاہ وسوج آتے پیش کیک۔ وزیراعظم محمد شہباز شریف پارے کہ بلوچستان عوامی پارٹی حکومت نا اہم سیوتی ءِ ہرا حکومت نا ہر فیصلہ ٹی اہم کڑد اداکرے، پاکستان نا شونداری بلوچستان نا شونداری تون گنڈوک ءِ۔ اوپارے کہ بلوچستان نا شونداری، بلوچستان عوامی پارٹی تون سلابت و اونا سلاہ غان بیدس ممکن اف۔ چیئرمین سینیٹ بلوچستان نا شونداری کن وزیراعظم نا ذاتی است خواہی و خصوصی گام گیج آتیا اودے خراج تحسین پیش کرے۔ اوڑدہی ٹی بنجائی وزیر کانود و انصاف اعظم نذیر تارڑ، قومی اسمبلی نا باسک و پارلیمانی لیڈر بلوچستان عوامی پارٹی خالد حسین مگسی و سینیٹر نصیب اللہ بازئی ئسک ہم بشخ ہلکر