ملکی زرمبادلہ ذخائر 51 کروڑ 26 لاکھ ڈالر کم ہوگئے، اسٹیٹ بینک

اسٹیٹ بینک آف پاکستان (ایس بی پی) کا کہنا ہے کہ ملکی زرمبادلہ ذخائر 51 کروڑ 26 لاکھ ڈالر کم ہوگئے۔ مرکزی بینک کے مطابق 16 جون کو ختم ہوئے ہفتے تک ملکی زرمبادلہ ذخائر 8 ارب 86 کروڑ ڈالر رہے۔ اسٹیٹ بینک کے ذخائر 48 کروڑ ڈالر کم ہو کر 3 ارب 53 کروڑ ڈالر رہے۔ کمرشل بینکوں کے زرمبادلہ ذخائر 3 کروڑ 26 لاکھ ڈالر کم ہو کر 5 ارب 32 کروڑ ڈالر ہیں۔ اسٹیٹ بینک کے مطابق کمرشل قرض کی 30 کروڑ ڈالر کی قسط رواں ہفتے موصول ہوئی۔ رواں ہفتے موصول ہوئی قسط 23 جون کے زرمبادلہ ذخائر کا حصہ ہوگی۔