توشہ خانہ کیس: چیئرمین پی ٹی آئی دوسری بار طلبی پر بھی نیب پیش نہ ہوئے
June 23, 2023
توشہ خانہ کے تحائف ذاتی فائدے کیلئے بیچنے کے کیس میں چیئرمین پی ٹی آئی دوسری بار طلبی پر بھی نیب پیش نہ ہوئے۔چیئرمین پی ٹی آئی نے تحریری جواب نیب کو بھیج دیا، جس میں کہا گیا ہے کہ آج لاہور ہائیکورٹ پیشی کے باعث نیب آنا ممکن نہیں۔تحریری جواب میں کہا گیا ہے کہ پہلے نوٹس پر بھی 4 جولائی کو پیشی پر رضامندی دکھائی تھی، پہلے جواب میں الزامات کو رد کر چکا ہوں، سابق جواب میں نیب کا دائرہ اختیار بھی چیلنج کیا۔ چیئرمین پی ٹی آئی نے 4 جولائی تک شامل تفتیش ہونے کی مہلت مانگ لی
