ریاست نا چیدہ غاتیا جلہو کروک آتیان سخت حساب ہلنگے، وزیراعظم نا ٹویٹ

وزیراعظم محمد شہباز شریف پارینے کہ مکالمہ جمہوری  عمل نا بشخ اسے، ہندا نا سوب آن جمہوریت سوگو مریک ولے سیاست دان تا آڑ اٹ ریاست نا چیدہ غاتیا جلہوکروک آتا اوفتا متشدد کارروائی تیابایدےسخت حساب ہلنگے۔ سے شنبے نادے آ تینا اسہ ٹویٹ اسے ٹی وزیراعظم محمد شہباز شریف پارے کہ اسہ میز اسے آ تولسا امنائی سلاہ اٹ سیاسی و آئینی پیش رفت ممکن مریک ولے سیاست دان تا دروشم اٹ انتشار پسند و جلاؤ گھیراؤ کروک آک مکالمہ نا اہل افس۔ داوڑنا زموار آک ریاست نا چیدہ غاتیا جلہوکیرہ، داوڑنا زموار آتا متشدد کارروائی تیا بایدے سخت حساب ءِ ہلنگے۔  وزیراعظم پارے کہ شون ہلوک جمہوریت آتیٹی ہم داوڑنا زموار آتا محاسبہ ءِ کننگک۔