صدر مملکت ڈاکٹر عارف علوی اِرادے ئی دورہ غا کوئٹہ غا سرمس، گورنر بلوچستان بڑزکو صوبائی کمامدارآتون اوار اودے بخیر کرے
May 30, 2023
صدر مملکت ڈاکٹر عارف علوی اِرادے ئی دورہ غا سے شنبے نادے آ کوئٹہ غا سرمس، خاتون اول بیگم ثمینہ عارف علوی ہم صدر مملکت تون اوار ءِ، ایئر پورٹ آ گورنر بلوچستان ملک عبدالولی کاکڑ بڑزکو صوبائی کمامدارآتون اوار صدر مملکت ءِ بخیر کرے۔ ایوان صدر نا پریس ونگ آن جاری بیان نا رداٹ صدر مملکت ءِ گورنر ہاؤس کوئٹہ غا بننگ آ بلوچستان کانسٹیبلری نادستہ گارڈآف آنر پیش کرے۔ اوکان پد صدر مملکت گورنر بلوچستان تون اوڑدہی ہم کرے، اوڑدہی ٹی صوبہ نا جم حالیت و تین پہ تینی است خواہی نا امور آ گپ وتران کننگا۔ صدر مملکت اِرادے ئی دورہ ٹی 34 می نیشنل گیمز انا ایسری دود اٹی بشخ ہلیک۔ صدر مملکت گڈ گورننس نا مون آ دنگن اٹ محتسب آتا کڑد آ سیمینار آن تران ہم کیک۔
