بی آئی ایس پی 90 لکھ گھراں کآں نقد مالی معاونت ݙیندا پئے، وفاقی وزیر شازیہ مری
وفاقی وزیر و چیئرپرسن بینظیر انکم سپورٹ پروگرام شازیہ مری آکھیے جو بی آئی ایس پی 90 لکھ گھراں کآں نقد مالی معاونت ݙیندا پئے، بینظیر نشوونما دے تحت ست لکھ 10 ہزار کھیر پلاوݨ آلیاں ماواں اتے انہاں دے 2 سال توں ڳھٹ عمر دے ٻالاں کوں غذائیت بھری خوراک ݙتی ویندی پئی اے جو غذائی قلت تے قابو پاتا ونڄے، پروگرام نال معالی طور تے ترٹھے طبقات بالخصوص تریمتیں دی سماجی و معاشی حالت سدھارݨ اچ مدد ملدی پئی اے، بی آئی ایس پی سماجی تحفظ دا مثالی نمونہ اے جیکوں ٻئے ترقی پذیر ملکاں اچ وی اپناوݨا چاہیدے۔ انہاں آکھیے جو جرمنی دے شہر برلن اچ یونیورسل فارم آن ایڈاپٹو سوشل پروٹیکشن دے اختتامی سیشن اچ پینل ڈسکشن اچ آکھی۔ اختتامی سیشن دی میزبانی ہک آزاد بین الاقوامی صحافی کونی زیموچ کیتی۔ مقررین اچ سوینجا شولزے وفاقی وزیر برائے اقتصادی تعاون و ترقی، بی ایم زیڈ ایستھر شورنگ، سماجی تحفظ دی مشیر GIZ مسٹر کولن اینڈریوز، پروگرام مینیجر ورلڈ بینک مسٹر الہدجی اینڈیوگو ڈیوف شامل ہن
