اوکھ دے باوجود بجٹ اچ سرکاری ملازمین، عوام کوں ودھ سوکھ ݙتے، روس دے بعد آذربائیجان نال وی توانائی معاہدہ کیتے، وزیراعظم محمد شہباز شریف

وزیراعظم محمد شہباز شریف آکھیے جو اوکھ دے باوجود بجٹ اچ سرکاری ملازمین، عوام کوں ودھ سوکھ ݙتے، روس دے بعد آذربائیجان نال وی توانائی معاہدہ کیتے، پاکستانی ہک بہادر قوم اے جیندی بہادری نال مشکل چیلنجز دا مقابلہ کیتے، سائفر اتے غیر ملکی سازش دا بیانیہ ݙیوݨ آلا مسلسل کوڑ ٻلیندا رہے، روس توں سستا تیل آ چکیے، آذربائیجان توں وی توانائی دا معاہدہ تھی چکیے، پاکستان دا ہر ٻال کٹ مر سڳدے ٻھل کشمیر تے سودا نئیں کر سڳدا، اساں آئی ایم ایف نال معاہدہ کرتے ملک کوں ترقی دے رستے تے سٹݨ چاہندے ہیں۔ اے ڳالھ انہاں مسلم لیگ ن دی جنرل کونسل اجلاس نال خطاب کریندے آکھیی۔ انہاں آکھیا جو الیکشن کمیشن دی ضروریات پاروں اے پارٹی انتخابات کرائے گین، اے پگ نواز شریف دی امانت اے، ڄݙاں او وطن ولسن تاں انہاں کوں ݙے ݙیساں۔