لاہور (اردو ٹائمز): نگران وزیراعلیٰ محسن نقوی کی زیر صدارت پنجاب کا بینہ کا 19 واں اجلاس،بے گھر سرکاری ملازمین کیلئے بڑی خوشخبری، نئے جی او آرکی منظوری

نگران وزیراعلیٰ محسن نقوی کی زیر صدارت پنجاب کا بینہ کا 19 واں اجلاس،بے گھر سرکاری ملازمین کیلئے بڑی خوشخبری، نئے جی او آرکی منظوری
عیدالاضحی پر لاہور سمیت پنجاب بھر میں صفائی کے بہترین انتظامات پر صوبائی وزراء، کمشنرز، ڈپٹی کمشنرز، سالڈ ویسٹ کمپنیوں کی کارکردگی کو خراج تحسین
لاہور رنگ روڈ کے ایس ایل تھری پراجیکٹ اورنیازی چوک سے بابو صابو تک ایلی ویٹڈ پراجیکٹ کو سالانہ ترقیاتی پروگرام میں شامل کرنے کی منظوری
داتا دربار کے توسیعی منصوبے کی منظوری، عالمی معیارکا لنگر خانہ تعمیر کیاجائیگا،زائرین کیلئے سہولتوں میں اضافہ کیاجائیگا
وزیراعلیٰ محسن نقوی کی توسیعی منصوبے کیلئے ایکوائرکی جانے والی اراضی کے مالکان کو مارکیٹ ریٹ پر ادائیگیوں کی ہدایت
بہاولپور میں جاں بحق بچوں کے لواحقین او رمتاثرہ بچوں کیلئے مالی امداد کی منظوری، ہسپتالوں کے ایم ایس کو مالی خود مختار ی دینے کا فیصلہ
ایم ایس 10ملین روپے تک کے اخراجات خود کر سکیں گے، اوکاڑہ آرٹس کونسل کا انتظام پنجاب آرٹس کونسل کے سپرد کرنے کی منظوری
لاہور3 جولائی:……نگران وزیراعلیٰ پنجاب محسن نقوی کی زیر صدارت آج وزیراعلیٰ آفس میں صوبائی کابینہ کا 19 واں اجلاس منعقدہوا،کابینہ اجلاس میں عیدالاضحی پر لاہور سمیت پنجاب بھر میں صفائی کے بہترین انتظامات پر صوبائی وزراء، کمشنرز، ڈپٹی کمشنرز، سالڈ ویسٹ کمپنیوں کی کارکردگی کو خراج تحسین پیش کیاگیا اور صفائی کے شاندار انتظامات پر متعلقہ حکام کی کارکردگی کو سراہاگیا۔صوبائی کابینہ نے پنجاب کے بے گھر سرکاری ملازمین کے رہائش کے مسائل کے حل کے لئے نئے جی او آر تعمیرکرنے کی منظوری دی۔وزیراعلیٰ محسن نقوی نے رہائشی کالونی کی تعمیر کے لئے فوری اقدامات کی ہدایت کی۔کابینہ نے لاہور رنگ روڈ کے ایس ایل تھری پراجیکٹ اورنیازی چوک سے بابو صابو تک ایلی ویٹڈ پراجیکٹ کو سالانہ ترقیاتی پروگرام میں شامل کرنے کی منظوری دی۔اجلاس میں داتا دربار کے توسیعی منصوبے کی منظوری دی گئی۔ توسیعی منصوبے کے تحت داتا دربار میں عالمی معیار کے مطابق لنگر خانہ تعمیر کیاجائے گا اورزائرین کے لئے سہولتوں میں اضافہ کیاجائے گا۔وزیراعلیٰ محسن نقوی نے توسیعی منصوبے کیلئے ایکوائرکی جانے والی اراضی کے مالکان کو مارکیٹ ریٹ پر ادائیگیوں کی ہدایت کی۔کابینہ نے محکمہ لوکل گورنمنٹ اور پنجاب انفارمیشن ٹیکنالوجی بورڈ کے درمیان ”آپ کی بلدیہ، ہیلپ لائن 1198“ کے حوالے سے معاہدے پر دستخط کی منظوری دی۔پبلک پراسیکیوٹرز کی ٹریننگ کے لئے سنٹر فار پروفیشنل ڈویلپمنٹ آف پبلک پراسیکیوٹرز کے لئے پنجاب گورنمنٹ رولز آف بزنس 2011 میں ترمیم کی منظوری دی گئی۔ ضلع بہاولپور کی تحصیل احمد پور شرقیہ میں جاں بحق بچوں کے لواحقین او رمتاثرہ بچوں کیلئے مالی امداد کی منظوری دی گئی۔ اجلاس میں پنجاب کے تمام سرکاری ہسپتالوں کے ایم ایس کو مالی خود مختار ی دینے کا فیصلہ کیاگیاجس کے تحت ایم ایس 10ملین روپے تک کے اخراجات خود کر سکیں گے۔پنجاب کابینہ نے فنانشنل پاورز کو ایم ایس تک تفویض کرنے کے فیصلے کی منظوری دی۔کابینہ اجلاس میں ملتان میں نشتر انسٹی ٹیوٹ آف آپتھالمولوجی اینڈ الائیڈ ویژن سائنسز کے قیام اور سرکاری کالجز میں پرنسپلز کی تعیناتی کیلئے نظرثانی شدہ طریقہ کار کی منظوری دی گئی۔ اجلاس میں پنجاب حکومت کے اکاؤنٹس برائے مالی سال 2022-23 کی آڈٹ رپورٹ کی منظوری دی گئی۔کابینہ نے موٹر وہیکل رجسٹریشن دستاویزات/فائلز کی سکینگ کے حوالے سے محکمہ ایکسائز اینڈ ٹیکسیشن اور پنجاب انفارمیشن ٹیکنالوجی بورڈ کے درمیان معاہدے کے مسودے کی منظوری دی۔اجلاس میں اوکاڑہ آرٹس کونسل کا انتظام لاہور آرٹس کونسل سے واپس لے کر پنجاب آرٹس کونسل کے سپرد کرنے کی منظوری دی گئی۔صوبائی وزراء،مشیران، چیف سیکرٹری، انسپکٹر جنرل پولیس اور متعلقہ حکام نے اجلاس میں شرکت کی۔